Rückblick schwäbischer Nachmittag mit Pfarrer Martin Haas

A volle Cafeteria em Walter und Emilie Räuchle Stift hot vom Interesse an onsrer schwäbischa Sproch ond onsere Bsonderheita zeigt. Viele waret komma, om em Pfarrer Martin Haas aus Pflugfelden zuazomhöra. Er hot die schwäbische Seele beleuchtet, des Wesa von de Schwoba beschrieba ond mit Gedichtle von Sebastian Blau oder Thaddäus Troll älle ufs Beschde onderhalda. Außerdem hot r no mit seiner Gitarr a paar schwäbische Lieder begleitet. Zwischanai hot mr sich no mit Kaffee und Kuacha stärka kenna. Also 's war schee, arg schee.