„Daa Männergsangverai lädt ai“ :-)

An dera scheena Narra-Mess am Sonndig hoad da Mesmer gsait,

Fasnet goad jetzt los, also ab en’s Narrakleid.

Jetzt bresiert’s, mer muas no veil macha,

Urlaub erreicha, Bier kaufa, ond Fasnetsküchle bacha.

Au dia Manna vom G’sangverein deand sich jetzt kerig ens Zeug nei hegga,

dean da „Besa“ richta und sich a „Bürgerball-Nommer“ überlega.

Noach deam Motto „Allna zur Freid ond koam zum Leid“

isch au die diesjährig Fasnet für alle a riesa Freid, mit oder ohne Kleid.

Da Besa „Zu da Goschamale“ duat des Joahr an zwoa Däg uffmacha für’d Gäschd,

des wird bestimmt wieder a einzigardiges Fäschd.

Am Fasnetsonndig ab am elfe machad die Manna die Türa uff,

noa kennad dia Gäschd dia Stäga nuff.

Mer muass noa nau no nahogga ond sich’s gmütlich macha,

und gugga was die Sängerfraua hend für Kucha bacha.

Au gibt’s wieder Gulaschsupp vorbereitet ond abgschmeckt vom Own,

Spitzweckle mit Speck gibt’s au für älle, vom Narro bis zum Clown.

Am Fasnetdienstag ab am elfe werdad noa au no Kuddla serviert,

haa, do isch doch guade Laune vorprogrammiert.

Roade Würst geit’s natürlich au,

doa freiad sich noa au d’Kender wiad Sau.

Drom bsuchad dia G’sangverei-Manna en ihrm uriga Lokal,

dass des wird an rechda Fasnetssaal.