„… endlich widder do!“

Aneme Samschdagoweg kann mer oifach nix besseres mache als nazugehe, zum inzwische beroids ”17. Neereder Mundart-Owed”am Samstag, 25. November 2023,um 19 Uhr,ins evangelische Gemeindehaus Neureut-Nord.Eilade tun widder wie scho seit 2005 die vier Alt-Neereder Mundart-Akrobate Roland und Martin Bruchmann, Karlheinz Grether un an de schwarz-weiße Taschte de Simon Eisenlöffel. Es gibt wie jedesmol am Mundart-Haupt-„Eventle“ widder emol lauter ganz neie Mundart-Sache zu belache, awwer es isch a ganz sicher was zum Nochdenke mit debei. Do komme Beiträg wie üwwer „Glück g‘hat“, „Wei oder Wasser“, „Uf de Walz“, um „en scheene Schtern“, „Nadierliche Liebe“, „Wenns laaft“, „De Unnerhossekaaf“ un noch etliches mehr. Do isch garantiert for alle was „Bassendes“ debei. Deszweg un uff alle Fäll: nix wie na un zug’horcht!Wie g’sagt, um siwwene geht’s los. De Saal werd ab de sechse uffg’macht. Vorher, nochher un a in de Paus’ gibt’s wie immer was zu Beiße un zu Schlucke. Eitrittskarte braucht mer a, un die gibt’s zum Einheitspreis von 10,- Euro an de Owedkass. Awwer mer kann sich telefonisch Karde reserviere lasse unner de Nummer 0721/785776, unner 0721/704600 odder awwer a unner altneerederschul@arcor.de.Un wer hinnerher noch immer net gnug kriege kann von de Neereder Mundart; es gibt a widder en neie Kolenner for 2024 mit Gedichtle, Gschichtle un bleede Schprüch, z’samme mit Bilder von Neered un Umgewung. De Erlös isch a diesmol widder für en gude Zweck, wenn was reikommt: nämlich for die wichtiche un dringend nötiche Arwoid vom Diakonieveroi Neered. Also: nix wie na! Weil: wer net kommt, isch selwer schuld!