Mit unserer üblichen Rubrik Meggelesweis

Schprenga

Hairt ma z Meschdedda s Woart schprenga, kaa ma a Dreiarloa deeka. Oamool d Schischanz em Däle, wo guate Schischprengr s Schprenga gleannad haud ond frianr bei graußa Schifeschtr au vill bekannte Schprengr deet gschpronga send. Zom Zweita da Schiaßplatz, wonas Schprengplätz geit zom Bomba auschädlich macha, ond woonas schau grausege Schläg dau hot, wellas schätzwoll id andrscht ganga n ischd ond mas zletschta ed Luft gschprengt hot. Zom Dritta ischd schprenga s beschleinigte Fortbewega uff da Fiaß, des goht vom schneallar laufa bis zom schprinta. Langsam schprenga kaa ma id, sait ma au id, abr z.B. beim Hondrtmetrlauf wudd schneall gschpronga. S Dschogga ghairt no zom normala schprenga. Abr au, wenn Oar no a oam nom lauft, kaa ma saaga haira: „Wo schprengscht naa?“ Dean Ausschpruch hot d Allgemeinheit zoma Gruaßwoart erhooba, ond wemma sieht, dass dr seall jetz threesad ond id schneallr d Lair nuff kaa, ischd dear Gruaß au a weng humorig, ironisch, mitfiihlend gmannt. Em Schwäbischa ischas jo so, wemma normal lauft entschpricht des am hochdeitscha gehen. Eescht abm schprenga entschprichtas no am hochdeitscha laufen. Ond wenns oms hochdeitsche rennen goht, renna ischd e deam Zemmahang em Schwäbischa ungebräuchlich, do sait ma schneall schprenga. Egal. Hauptsach, ma ischd no guat z Fuaß. Seall leannad ma eescht z schätzed, wemma an Schaada hot ond oafach halt nemme so schprenga kaa.

Springen

Hört man in Meßstetten das Wort „springen“ könnte man an Dreierlei denken. Einmal an die Skischanze im Däle, auf der großartige Springer das Springen lernten und auf der früher bei den großen Skifesten auch viele bekannte Springer gesprungen sind. Zum Zweiten an den Truppenübungsplatz, wo es Sprengplätze gibt, auf denen Bomben unschädlich gemacht werden, und von wo schon Detonationen hörbar waren, wohl weil Entschärfung nicht ging und gesprengt werden musste. Zum Dritten steht schprenga für das fußläufige beschleunigte Fortbewegen von schnell gehen bis zum sprinten. Langsam schprenga geht nicht, sprachlich auch nicht. Spurten ist schnell gschpronga. Joggen ist normal gschpronga. Aber auch, wenn ein Bekannter vorbeigeht, kann man hören „Wo schprengscht naa?“ Dieser Ausspruch wurde allgemein zum Grußwort kreiert, und wenn man bemerkt, dass der Andere schwer atmet und nicht schneller den Berg hoch gehen kann, ist dieser Gruß auch ein wenig humorvoll, ironisch mitfühlend gemeint. Im Schwäbischen entspricht bekannterweise das normale laufa dem hochdeutschen gehen, schprenga entschpricht hochdeutsch laufen. Und wenn es ums Rennen geht, renna in diesem Zusammenhang ist nicht gebräuchlich im Schwäbischen, da sagt man schneall schprenga. Egal. Die Hauptsache ist, dass man sicher und unbefangen gehen kann. Das lernt man erst zu schätzen, wenn eine Beschädigung vorhanden ist und einem das Laufen schwer fällt.

(GG)