‘s Neischde aus dem Johr!“

Lauder ganz neie Sache hawe die vier Alt-Neereder Mundartler im Johreslaaf mol widder zsammegetrage, um ihre Publikum aneme triewe Novemberowed zu unnerhalte. Deswege lade die Viere alle ei zum inzwische beroids

”18. Neereder Mundart-Owed”

am Samstag, 16. November 2024,

um 19 Uhr,

ins evangelische Gemeindehaus Neureut-Nord.

Roland und Martin Bruchmann, Karlheinz Grether un an de schwarz-weiße Taschte de Simon Eisenlöffel bringe wie jedesmol am Mundart-Haupt-„Eventle“ widder emol - wie gsagt - lauter ganz neie Mundart-Sache zu Gehör. Awwer es isch a ganz sicher was zum Nochdenke mit debei. Do komme Beiträg wie üwwer „Damewahl“ „Die Schell von Belfort“, „Neeeder Haiku“, üwwer „de Freischütz“, „Verkehrsordnung“, „Diskriminierunge“, „I bin Rentner“, „No net“. Un des isch a wirklich no net alles. Do kommt noch Oiniges un es isch garantiert für alle was „Bassendes“ debei.

Deszweg un uff alle Fäll: nix wie na un zug’horcht!

Wie immer: um siwwene geht’s los. De Saal werd ab de sechse uffg’macht. Vorher, nochher un a in de Paus’ gibt’s a was zu Beiße un zu Schlucke.

Eitrittskarte braucht mer a, un die gibt’s zum Einheitspreis von 10,- Euro an de Owedkass. Mer kann sich telefonisch a Karde reserviere lasse unner de Nummer 0721/785776, odder awwer unner altneerederschul@arcor.de.

Wer net komme kann: ‘s gibt rechtzeitich vor Weihnachde a widder unser „Kolenner 2025“ mit Gedichtle, Gschichtle un bleede (odder gscheide?) Schprüch, z’samme mit Bilder von Neered un Umgewung.

De Erlös isch a diesmol widder für en gude Zweck, wenn was reikommt: nämlich for die wichtiche un dringend nötiche Arwoid vom Diakonieveroi Neered.

Also: nix wie na! Weil: wer net kommt, isch selwer schuld!