Volkstrauertag 2024

Am Sonntag, den 17.11.2024, begehen wir wieder miteinander den Volkstrauertag. Gemeinsam werden wir mit einer weißen Rose als Symbol des Friedens diesen anmahnen

und allen Opfern von Krieg und Gewalt gedenken – auch mit diesen Worten:

Volkstrauertag

Ond wieder ischt Volkstrauertag.

Dass mir aos treffe hôt an Grond.

Zo’r Erennrong a diea zwôi Krieag

mache mir jetzt dui Feierschtond.

Wieaviel Müaddra hant dô gheilet

wenn d‘Buaba en Krieag zoga send.

Fraua hant om d’Männer banget

ond om da Vaddr so manch’s Kend.

„Wiederhola wud sich des et

so äbbes Schlemm’s däff nemme gscheha!

Niea maih soll‘s so a Leida gee“.

Dô send sich älle einig gwea!

Ibr sechzg Milliona Menscha

hant e zwôi Weltkrieag s Leaba glau!

Worom gôht’s denn grad so weiter?

Des kô i oifach et vrschtauh.

Grausigs Aureacht, arge Plôga

doch d’Menschheit hôt et draus gleanet.

Krieagsgschrôi hairscht uff dr ganza Welt

des hôt gwiiß neamerd vrdeanet.

A Friedensros vom VdK

soll a Symbol fr älle sai.

Wenn sich a jeder Mensch bemüht

kaihrt vielleicht doch no Frieda ai!

- Sonja Schneider -