Wie gewohnt mit unserer Rubrik Meggelesweis tablleraisch nebeneiner

Schtuddara

Schtuddara ischd id schtoddara. Ma kannt manna, s keem aus dr gleicha Woartwuuzl, abr schtoddara ischd, wemma id flisseg am Schtuck schwätza kaa, ond schtuddara konnt lt. Hermann Wax, Etymologie des Schwäbischen, vo schtochara ond schtaußa hear. Au ischd, wear noiz reacht naabrengt ond no so rommachad, a Schtuddarar. Odr, wemma a graißrs Projekt id uff zmool am Schtuck feerteg brengt, ond iibraal älllas meggelesweis zemmasuacha moss ond no, oas oms andr, schticklesweis weitrkonnt, duat mas zemmaschtuddara. Zom Beischbiel, wemma sealbr s Haus ombauad ond ämmool waarta moss, bi ma wiedr Geald hot zom s Material kaufa. Odr wenn oas vo deanna villa Gsetzr uffgschtellt wudd, do brauchtas Beiträg vo älla meeglecha Seita ond d Regiereng ond dr Bundesrat miassad Mehrheita fenda, biisas z letschta noo gilt. Odr au de gaaz Energiewende ischd oa Schtuddarade, bi ma amool saaga kaa, jetzt laufts. Ond em Gleina kannts äll Dääg dia Kocharei wei, wooma d Suppa, s Floasch, d Nuudla ond da Saloot extra macha ond middanand uff da Disch brenga sodd. Abr do schwätzt ma normal id vom zemmaschtuddara, außr, kaa sei, wenn älle Reschtle von letschta baar Dääg uff da Disch kommad ...

kommt von „stochern, stossen ...“

Schtuddara ist nicht wie stottern. Man könnte meinen, Beides käme aus derselben Wortwurzel, aber stottern heißt nicht flüssig reden können, und schtuddara kommt lt. Wörterbuch aus der Wortrichtung stochern, stoßen. Auch ist, wer nichts fertig bringt und nur herumstochert, ein Schtuddarar. Oder, wenn man ein Projekt nicht in einem Fluß hinkriegt und überall alles zusammensuchen muss und schrittweise und stückchenweise weiterkommt, wird es zemmagschtuddarad. Zum Beispiel, wenn man in Eigenleistung das Haus umbaut und immer wieder warten muss, bis Geld für das Material da ist. Oder, wenn eines von den vielen, vielen Gesetzen gemacht wird, wo Beiträge von allen möglichen Seiten verarbeitet werden, und Regierung und Bundesrat Mehrheiten finden müssen, bis es ratifiziert wird. Oder auch: Die ganze Energiewende ist eine Schtuddarade bis man sagen kann, dass es läuft. Im Kleinen könnte es die alltägliche Kocherei sein, wo Suppe, Braten, Nudeln Salat... gesondert zuzubereiten und gemeinsam auf den Tisch zu bringen sind. Aber da redet man nicht vom zemmaschtuddara, außer vielleicht, wenn alle Reste von den letzten paar Tagen auf den Tisch kommen ...

(GG)